Референдум

Референдум – мемлекеттің ең маңызды мәселелерін халық болып шешудің басты тетігінің бірі. Сол арқылы әрбір әрекетімізді, атқарар істерімізді, еңсерер меже-міндеттерімізді жүргізе аламыз. 

Ел Президенті Қасым-Жомарт Тоқаевтың Ата Заңға өзгерістерді бүкіл халықтың талқысына шығаруы- ел болып қолдауға лайықты іс деп санаймын. Халқымен ақылдасатын биліктің аты озады. Бұл әрбір азаматтың жан дүниесін түлетіп, мерейін өсіріп, рухын көтереді.

Осы орайда осы жылдың 5 маусымында  Ата заңға өзгерістер мен толықтырулар енгізу үшін республикалық референдум өтеді. «Елу жылда ел жаңа» демекші,  қала мен ауыл да, саясат пен мәдениет те, сол сияқты Ата заң бұған дейін де талай рет өзгерген. Бірақ бұл өзгерістің өңі де мәні де ерекше деп ойлаймын. Өйткені бұл референдумның халықпен етене байланысы бар. Қарапайым халықтың пікірін сұрайтын өзгеріс. Жаңа Қазақстан, әділ Қазақстан деп жатқанымыздың кепілі – халық. Жаңару. Бұған дәлел, біз мемлекеттігіміздің даму жолындағы жаңа кезеңге қадам басқалы тұрмыз. Сонымен әр қазақ азаматтық қасиеттерін танытып, Президенттің реформаларын құптап, оны талқыға салуға қызу атсалысады, референдумға белсене қатысады деген сенімдемін