"Еңбек ері"

"1 Наурыз - Алғыс айту күні" мерекесі қарсаңында №17 Ы. Алтынсарин атындағы орта мектебінің директоры Сегизбаева Зауре Илиятқызының бастамасымен 8-11 сынып оқушылары жəне мектеп ұстаздарының қатысуымен "Еңбек ері" медалінің иегері ауыл ақсақалы Зауырбаев Сайлаубек атамен кездесу өтті. Шара барысында мектеп оқушылары аға буын өкілі, ауылымыздың өркендеуіне елеулі үлес қосқан Сайлаубек атамызға арнап өлең шумақтарын арнап, алғыстарын білдірді. Мектепте тарих кабинетінен ардагер атамыздың құрметіне өмір деректерінен жəне еңбек жолынан сыр шертетін арнайы стенд жасақталып ілінді. Ардақты атамыз білікті басшыға алғысын білдіре отырып, жалпы мектеп ұжымына ақ батасын берді.
Іс-шараның соңында "Еңбек ері" медалінің иегері Зауырбаев Сайлаубек атамен естелік суреттерге түсті.