"ЖУАЛЫ АРУЫ - 2022"🌹 БАЙҚАУЫ

"ЖУАЛЫ АРУЫ - 2022" БАЙҚАУЫ

   «Жуалы аруы - 2022» аудандық байқауы өткізілді. 18 ару бақ сынасқан байқауға мектебімізден 10 - сынып оқушысы Боранбаева Еркеназ Ержанқызы қатысып, жүлделі ІІ орынды иеленді.

   Арулар байқауын аудан әкімінің орынбасары Анар Ахметова ашып, үміткер аруларға сәттілік тіледі. 

  Алғашқы кезең «Сымбатты жанның айнасы» атты бөлімде арулар өздерін таныстыру арқылы сахналық сән-сымбатын, қазақ қызына тән сұлулығын көрсетті.

 2-ші кезең: «Қыз өссе, елдің көркі». Бұл кезеңде арулар өз бойларындағы таланттарын таныту мақсатында көнерген дәстүрлерді қойылым арқылы көрсеткендері және сызылта ән айтып, мыңбұрала би билегендеріде болды. 

 «Ойлы болсаң – озып көр» атты 3-ші кезеңде үміткер қыздарға салт-дәстүр, ұлттық таным тұрғысындағы сұрақтар қойылып, білім деңгейлері сынға түсті.

 4-кезең: «Ойлай білген де – ою оя біледі». Бұл кезеңде арулар өздеріне берілген уақытты тиімді пайдаланып, сахнада ою – өрнек ойып, қазылар алқасына таныстырды.  

     Байқау соңында  қатысқан барлық қатысушыларға ұйымдастырушылардың атынан алғыс хаттар, жүлделі орын иегерлеріне дипломдар мен ынталандыру сыйлықтары табысталды.

     Еркеназды жеңісімен шын жүректен құттықтаймыз!