Мектебімізде 2021-2022 оқу жылында  қоғамдық-гуманитарлық бірлестігінің  онкүндігі аясында қазақ тілі мен әдебиеті пәні мұғалімі, педагог-зерттеуші Жанысбаева Перизат Өмірбекқызы 8-сынып  оқушыларымен Б.Момышұлы «Ұшқан ұя» шығармасы «Дара тұлға-Бауыржан» тақырыбында ашық сабақ өтті.

Өзін - өзі тану апталығы аясында жоспарға сәйкес "Руханилықтың мөлдір бұлағы" атты көрме ұйымдастырылды.  Бастауыш сынып мұғалімі Айтбаева Қаракөз Жамалбекқызы руханилықтың негізінде адамның мінез-құлқы  қалыптасып, ар-ұят, өзін-өзі бағалау және адамгершілік сапалары дамитындығына  тоқтала келе, 1-4 сыныптар арасында көрмеге оқушылар ең қымбат адамдарына арнап ашық хат, қол өнер, суреттер салып өткізуге болатынын балаларға түсіндірді.  

2021-2022 оқу жылында өткізілген қоғамдық-гуманитарлық пәндер бірлестігінің онкүндігі қорытындысы ақиық ақын, артына айрықша өшпейтін із қалдырған М. Мақатаевқа арналған "ЕСІҢЕ МЕНІ АЛҒАЙСЫҢ..." тақырыбындағы әдеби сазды кешпен жабылды.  Кеште ақынның өлеңдері оқылып, оның өлеңдеріне жазылған тамаша әндері де шырқалды.